İstanbulda gecə klubunda 39 nəfəri qətlə yetirən terrorçu həbs olunub

Bakı. 11 fevral. REPORT.AZ/ 2017-ci il yanvarın 1-nə keçən gecə İstanbulun “Reina” gecə klubunda 39 nəfəri qətlə yetirmiş terrorçu Əbdülqadir Maşaripov məhkəmə qarşısına çıxıb və həbs olunub.

“Report” xəbər verir ki, bu barədə “Haberturk” telekanalı məlumat yayıb.

Məlumata görə, Maşaripov ona qarşı irəli sürülən ittihamlarla (“39 nəfərin qəsdən qətlə yetirilməsi”, “İŞİD terror qruplaşmasına üzvlük”, “qanunsuz silah gəzdirmək” və s.) əlaqədar İstanbulun “Silivri” həbsxanasına yerləşdiriləcək.

O, məhkəmə prosesi başa çatanadək bu həbsxanada qalacaq. Bunadək Maşaripov saxlanılan statusunda idi.