İran vətəndaşı elektroşoker ilə Yerevanın mərkəzində İran bankını soymağa cəhd edib

Bakı. 24 dekabr. REPORT.AZ/ Əlində bıçaq və elektroşoker olan İran vətəndaşı Ermənistanın paytaxtı Yerevanın mərkəzində İran bankını soymağa çalışıb.

Bu barədə "Report" "İnterfaks"a istinadən məlumat verir.

Ermənistan polisinin verdiyi məlumata görə, bu səhər 36 yaşlı iranlı Morteza Coşoar "Mellat" bankına daxil olaraq elektroşokerdən istifadə edib və işçilərdən pul tələb edib.

Nəticədə İran vətəndaşı yerli polis qüvvələri tərəfindən zərərsizləşdirilib, faktla bağlı cinayət işi açılıb.