Bakı. 16 sentyabr. REPORT.AZ/ İlin əvvəlindən Ukraynanın şərqində gedən münaqişə nəticəsində 68 dinc sakin ölüb, daha 315 nəfər yaralanıb.
"Report" xəbər verir ki, bu barədə ATƏT-in Xüsusi Monitorinq Missiyası (SMM) öz "Facebook" səhifəsində məlumat yerləşdirib.
Missiya rəhbəri Apakan Ertoğrul bildirib ki, 31 nəfər partlayıcı qurğular ilə düzgün rəftar etməmə nəticəsində aldığı xəsarətlərdən dünyasını dəyişib. Ölənlərin yarıdan çoxu uşaqların payına düşür.
ATƏT-in əvvəlki məlumatlarına görə, ötən il münaqişə zonasında 88 dinc sakin həlak olub.