Hulusi Akar Bosniya və Herseqovinanın müdafiə naziri ilə görüşüb

Türkiyənin milli müdafiə naziri Hulusi Akar Ankarada səfərdə olan bosniyalı həmkarı Sifet Podçiç ilə görüşüb.

“Report” xəbər verir ki, bu barədə Türkiyə Milli Müdafiə Nazirliyi məlumat yayıb.

Təkbətək və heyətlərarası gerçəkləşdirilən görüşlərdə ikitərəfli və regional müdafiə və təhlükəsizlik, həmçinin müdafiə sənayesi sahəsində əməkdaşlıq məsələlərinə dair fikir mübadiləsi aparılıb.

Görüşlərdə Türkiyə ilə Bosniya və Herseqovinanın birgə hərbi təlimlər və əməkdaşlığın daha da artırılmasına verdikləri önəm vurğulanıb.

Görüşlərin yekununda nazirlər tərəfindən Türkiyə və Bosniya və Herseqovina arasında Hərbi Maliyyə Əməkdaşlığı Razılaşması və Nağd Yardım Tətbiqi Protokolu imzalanıb.