Hakan Fidan Ukrayna XİN-in yeni başçısı ilə regiondakı vəziyyəti müzakirə edib

Türkiyənin xarici işlər naziri Hakan Fidan Ukraynanın yeni xarici işlər naziri Andriy Sbiqa ilə telefonla danışıb.

“Report” xəbər verir ki, bu barədə Türkiyə Xarici İşlər Nazirliyi (XİN) məlumat yayıb.

Bildirilib ki, H.Fidan ukraynalı həmkarını təyinatı münasibətilə təbrik edib.

Telefon danışığı zamanı regiondakı son proseslər də müzakirə olunub.