Haaqa məhkəməsi Donbas səmasında vurulan sərnişin təyyarəsi ilə bağlı qərar qəbul edib

Haaqa məhkəməsi Malayziya Hava Yollarına məxsus “MH17” sərnişin təyyarəsinin 2014-cü ildə Ukraynanın Donbas ərazisində vurularaq qəzaya uğraması ilə bağlı hökm çıxarıb.

“Report” UNIAN-a istinadən xəbər verir ki, Beynəlxalq Ədalət Məhkəməsi sərnişin təyyarəsinin raketlə vurulmasında təqsirləndirilən Oleq Pulatovun günahkar olmadığı ilə bağlı qərar verib.

Haaqa məhkəməsi İqor Strelkovu (Qirkin), Sergey Dubinskini və Leonid Xarçenkonu “MH17” təyyarəsinin raketlə vurulmasında və 298 sərnişinin ölümündə təqsirli bilib. Onlar qiyabi olaraq ömürlük həbs cəzasına məhkum ediliblər.

Haaqa məhkəməsi “MH17” qəzasında həlak olanların yaxınlarına verilən təzminatın ümumi məbləğini 16 milyon avrodan çox qiymətləndirib.