Gürcüstanda prezident administrasiyasına rəhbər təyinatı olub

Gürcüstan Prezidenti Mixeil Kavelaşvili hüquqşünas Ketevan Kvinikadzeni öz administrasiyasının rəhbəri təyin edib.

“Report” TASS-a istinadən xəbər verir ki, bu barədə parlamentin mətbuat xidməti məlumat yayıb.

Məlumata görə, Kvinikadze bundan əvvəl Gürcüstan parlamentinin aparat rəhbəri (2021-ci ildən) vəzifəsində çalışıb.

O, müxtəlif illərdə Gürcüstan Maliyyə Nazirliyinin İstintaq Xidməti administrasiyasının rəhbəri, Ali Ədliyyə Məktəbinin direktor müavini olub.

Xatırladaq ki, bu gün Gürcüstan parlamentində Kavelaşvilinin andiçmə mərasimi keçirilib. O, dekabrın 14-də Seçicilər Kollegiyası tərəfindən beş il müddətinə prezident seçilib.