Gürcüstanın XİN başçısı: "Türkiyə ilə nümunəvi dostluq yaratmışıq"

“Biz Türkiyə ilə çox dəyər verdiyimiz nümunəvi dostluq yaratmışıq”.

“Report”un yerli bürosu xəbər verir ki, bunu Gürcüstanın xarici işlər naziri İlya Darçiaşvili Türkiyə ilə diplomatik əlaqələrin bərpasının 30-cu ildönümü münasibətilə tviter hesabında yazıb.

XİN başçısı Gürcüstan və Türkiyə arasında diplomatik əlaqələrin yenidən qurulmasından bəri iki ölkənin birlikdə çalışdığını bildirib: “Türkiyə ilə əlaqələrin gücləndirilməsi üçün türkiyəli həmkarım Mövlud Çavuşoğlu ilə əməkdaşlıq niyyətimə sadiqəm”.