Gürcüstanın xarici ticarət dövriyyəsi 3 %-ə yaxın azalıb

Bu ilin yanvar-aprel aylarında Gürcüstanın xarici ticarət dövriyyəsi 6,6 milyard ABŞ dolları təşkil edib.

"Report"un yerli bürosu xəbər verir ki, bu barədə Gürcüstan Statistika İdarəsi məlumat yayıb.

Bildirilir ki, bu, ötən ilin eyni dövrünün göstəricisindən 2,7 % azdır.

Bu müddət ərzində ölkənin ixracı 1,8 milyard ABŞ dolları təşkil edib. Bu, 2023-cü ilin ilk 4 ayının göstəricisi ilə müqayisədə 10,1 % azdır.

Bu dövr ərzində Gürcüstanın idxalı isə 0,3 % artaraq 4,8 milyard ABŞ dolları dəyərində olub.

İlin ilk dörd ayında ölkənin xarici ticarət dövriyyəsindən mənfi ticarət saldosu 3 milyard ABŞ dolları təşkil edib ki, bu da illik müqayisədə 7,5 % çoxdur.