Gürcüstanın keçmiş baş naziri Mamuka Baxtadzenin Dünya Bankında (DB) fəaliyyətini davam etdirəcəyi gözlənilir.
“Report”un Gürcüstan bürosu xəbər verir ki, sabiq hökumət başçısı DB-nin Direktorlar Şurasına üzv olmağa hazırlaşır.
M.Baxtadze Şuraya üzv seçilməsi ilə bağlı təklifi ABŞ-dan alıb.
Direktorlar Şurasına seçkilər 2020-ci ilin yazında keçiriləcək.
Qeyd edək ki, M.Baxtadze 2018-ci ilin iyunundan Gürcüstanın baş naziri olub. O, bu il sentyabrın 2-də istefa verib.