Gürcüstanın Baş naziri Tbilisidəki Cümə məscidində olub, müsəlmanları təbrik edib

Gürcüstanın Baş naziri İrakli Kobaxidze Ramazan bayramı münasibətilə paytaxt Tbilisidə Cümə məscidini ziyarət edib.

"Report"un yerli bürosu xəbər verir ki, o, bayram münasibətilə müsəlmanlara təbriklərini çatdırıb.

Hökumət başçısı Gürcüstanda tarixən müxtəlif etnik və dini mənsubiyyətə məxsus insanların birgə, dinc şəraitdə yaşadığını söyləyib.

İ.Kobaxidze Gürcüstanın müsəlman icmasının ölkənin inkişafına böyük töhfə verdiyini vurğulayıb.

Ramazan bayramı münasibətilə təşkil edilmiş mərasimdə Azərbaycanın və Türkiyənin Gürcüstandakı səfirləri Faiq Quliyev, Ali Kaan Orbay, diplomatlar, din xadimləri, ictimaiyyət nümayəndələri iştirak ediblər.