Gürcüstanın Baş naziri Brüsselə gedib

Gürcüstanın Baş naziri İrakli Qaribaşvili Brüsselə səfərə yollanıb.

“Report”un yerli bürosu xəbər verir ki, o, iki günlük səfər çərçivəsində Avropa Şurası, Avropa Komissiyası, Avropa Parlamenti və NATO-da yüksək səviyyəli ikitərəfli görüşlər keçirəcək.

Müzakirə olunacaq əsas mövzular Gürcüstanın Avropa və Avroatlantik inteqrasiyasının gündəliyi, Avropa İttifaqına (Aİ) üzvlüklə bağlı ölkənin təqdim etdiyi sorğu vərəqəsi, eyni zamanda regiondakı təhlükəsizlik vəziyyəti olacaq.

Baş naziri səfərdə xarici işlər naziri İlya Darçiaşvili müşayiət edir. Səfər zamanı onun Aİ-yə üzv ölkələrin xarici işlər nazirləri ilə görüşləri planlaşdırılıb.