Gürcüstanın baş naziri Ararat Mirzoyanla əməkdaşlıq məsələlərini müzakirə edib

Gürcüstanın Baş naziri İrakli Kobaxidze Tbilisidə Ermənistanın xarici işlər naziri Ararat Mirzoyanla görüşüb.

"Report"un yerli bürosu xəbər verir ki, hökumət ofisində keçirilən görüşdə İrakli Kobaxidze və Ararat Mirzoyan strateji tərəfdaşlıq, ticarət-iqtisadi əlaqələrin dərinləşdirilməsi, eləcə də turizm, mədəniyyət və təhsil sahələrində əməkdaşlıq məsələlərini müzakirə ediblər.

Kobaxidze bir daha bəyan edib ki, Gürcüstan regionda sabit və təhlükəsiz mühitin qorunmasında mühüm rol oynamağa davam edəcək.