Gürcüstanın baş epidemioloqu koronavirusa yoluxub

Gürcüstanın Xəstəliklərə Nəzarət və İctimai Sağlamlıq Milli Mərkəzinin rəhbəri, baş epidemioloq Amiran Qamkrelidzenin koronavirusa yoluxduğu təsdiqlənib.

“Report”un yerli bürosu xəbər verir ki, bu barədə mərkəzdən bildirilib.

Qeyd olunub ki, A.Qamkrelidze özünü yaxşı hiss edir və xəstəliyi simptomsuz keçirir.

Baş epidemioloqun COVID-19-a yoluxan şəxslə təmasda olduğu bildirilib.