Gürcüstanda ötən sutkada koronavirusa 3 128 nəfər yoluxub, 39 pasiyent vəfat edib

Gürcüstanda son sutkada daha 3 128 nəfərin koronavirusla bağlı testi pozitiv nəticələnib, 3 045 nəfər sağalıb, 39 pasiyent isə vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Hazırkı dövrədək qonşu ölkədə COVID-19-a 111 818 yoluxma faktı təsdiqlənib. Virusa yoluxanların 92 215-i sağalıb, 1 051-i isə ölüb.

Karantin zonalarında 2 102, stasionar nəzarətdə 6 192 nəfər var. Xəstəliyi yüngül formada keçirən 3 739 nəfər isə xüsusi otellərdə tibbi nəzarətdə saxlanılır.