Gürcüstanda Moskva küçəsinin adı dəyişdirilib

Gürcüstanda Moskva küçəsinin adı dəyişdirilib Bu gün küçədə ilk ünvan lövhəsi quraşdırılıb
Region
171
25 Fevral , 2021 14:52
Gürcüstanda Moskva küçəsinin adı dəyişdirilib

Gürcüstanın ikinci böyük şəhəri olan Kutaisidə yerləşən Moskva küçəsinin adı dəyişdirilib.

“Report”un yerli bürosu xəbər verir ki, bundan sonra küçə “Şindisi qəhrəmanları” adlanacaq.

Kutaisi Şəhər Şurasının qərarına əsasən, bu gün küçədə ilk ünvan lövhəsi quraşdırılıb.

Şindisi Gürcüstanın Qori rayonunda yerləşən kənddir. 2008-ci ilin avqust müharibəsində kənddə gedən ağır döyüşlər zamanı 17 gürcü hərbçi şəhid olub.

Qeyd edək ki, 2017-ci ildən ictimai fəallar və müxalifətçilər Tbilisidə Moskva prospektinin adının dəyişdirilməsini tələb edirlər. Bununla bağlı hətta imzatoplama kampaniyası da aparılıb. Lakin bu günə qədər prospektin adı dəyişməz olaraq qalır.

Son xəbərlər

Orphus sistemi