Gürcüstanda koronavirusla mübarizəyə təqaüdçü həkimlər cəlb edilir

Gürcüstanda təqaüddə olan həkimlər koronavirusla mübarizəyə cəlb olunacaqlar.

“Report”un yerli bürosu xəbər verir ki, bu barədə ölkənin səhiyyə naziri Ekaterina Tikaradze brifinqdə bildirib.

Onun sözlərinə görə, Səhiyyə Nazirliyi bununla bağlı təqaüdçü həkimlərə artıq müraciət edib və onlar hazır olduqlarını bildiriblər.

Nazir müvafiq bilik və təcrübəyə malik həkimlərdən ibarət əlavə qüvvələrin də səfərbərliyinin həyata keçirildiyini qeyd edib.