Gürcüstanda koronavirusa yoluxanların sayı 544 nəfər artıb

Gürcüstanda ötən sutkada koronavirusa 544 yeni yoluxma halı təsdiqlənib, 5 nəfər vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə hazırkı dövrədək COVID-19-a yoluxanların sayı 263 601-ə, xəstəlikdən ölənlərin sayı isə 3 311-ə çatıb.

Son 24 saat ərzində müalicə olunaraq sağalanların sayı 469 nəfər artaraq 255 385-ə yüksəlib.