Gürcüstanda koronavirusa 2 061 yeni yoluxma qeydə alınıb, 23 nəfər ölüb

Gürcüstanda ötən sutkada daha 2 061 nəfərdə koronavirus infeksiyası aşkarlanıb, 1 654 nəfər müalicə olunaraq sağalıb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Son 24 saatda daha 23 nəfər vəfat edib.

Qonşu ölkədə indiyədək 402 759 nəfərin COVID-19-a yoluxduğu müəyyən olunub. Onların 373 088-i sağalıb, 5 688-i isə ölüb.