Gürcüstanda komendant saatının müddəti yenidən qısaldılıb

Gürcüstanda gecə saatlarında tətbiq olunan hərəkət məhdudiyyətinin müddəti 1 saat qısaldılıb.

“Report”un yerli bürosu xəbər verir ki, bu barədə ölkənin Dövlət Qurumlarıarası Koordinasiya Şurası qərar qəbul edib.

Qərara əsasən, komendant saatı saat 23:00-dan 04:00-dək qüvvədə olacaq.

Qeyd edək ki, qonşu ölkədə pandemiya səbəbindən ötən ilin noyabrından komendant saatı saat 21:00-dan 05:00-dək tətbiq edilirdi. Mayın 17-dən müddət 2 saat qısaldılaraq saat 23-dən başlayıb.