Gürcüstanda hərbçilər arasında toqquşma olub, 5 hərbçi yaralanıb

Bakı. 2 avqust. REPORT.AZ/ Gürcüstanın Kocori hərbi hisssində hərbçilər arasında baş vermiş qarşıdurma nəticəsində 5 nəfər yaralanıb.

“Report” Gürcüstan KİV-inə istinadən xəbər verir ki, bu barədə Hərbi Polisin İstintaq İdarəsi rəisinin müavini polkovnik İrakli Bazeraşvili bildirib.

Onun sözlərinə görə, hərbçilər arasında mübahisə sonradan davaya çevrilib: “Yaralılar hospitala yerləşdirilib. Onların həyatı üçün təhlükə yoxdur. Hadisə araşdırılır. Məhkəmə-tibbi ekspertiza təyin edilib”.