Gürcüstanda gənc dağda donaraq ölüb

Gürcüstanın Qomi dağında bir neçə gəncdən ibarət qrup çətin vəziyyətə düşüb.

“Report”un yerli bürosu xəbər verir ki, gənclərdən biri güclü şaxta səbəbindən donaraq ölüb.

Qrupun digər iki üzvünün vəziyyəti ağırdır. Gənclərin xilas olunması üçün əraziyə 10 nəfərdən ibarət xilasetmə dəstəsi göndərilib.

Gənclərin dağda ov etdikləri bildirilir.