Gürcüstanda ər-arvad qətlə yetirilib

Gürcüstanın Telavi rayonunun Kondoli kəndində ötən gecə qətl hadisəsi baş verib.

“Report”un yerli bürosu xəbər verir ki, fermaların birində orta yaşlı ər-arvad öldürülüb.

Yerli sakinlərin sözlərinə görə, cütlüyü çoban qətlə yetirib.

Hadisənin səbəbi hələ bilinmir.

Cinayəti törədən şəxsin saxlanılıb-saxlanılmadığı da məlum deyil.