Gürcüstanda daha 49 nəfər COVID-19-dan ölüb

Gürcüstanda ötən sutkada koronavirusa 5 128 yeni yoluxma faktı təsdiqlənib, 3 310 nəfər müalicə olunaraq sağalıb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Son 24 saat ərzində daha 49 nəfər vəfat edib.

Hazırkı dövrədək qonşu ölkədə COVID-19-a 466 326 nəfər yoluxub. Onların 412 420-si sağalıb, 6 279-u ölüb.