Gürcüstanda daha 15 nəfər koronavirusdan ölüb 

Gürcüstanda ötən sutkada koronavirusa 507 yeni yoluxma faktı qeydə alınıb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə hazırkı dövrədək COVID-19-a yoluxanların sayı 264 665-ə çatıb.

Son 24 saat ərzində 660 nəfər sağalaraq evə buraxılıb, 15 pasiyent isə vəfat edib. Sağalanların sayı 256 684, ölənlərin sayı isə 3 336-ya yüksəlib.

Hazırda karantində 304, stasionar nəzarətdə 2 045 nəfər var. Xəstəliyi yüngül formada keçirən 284 nəfər isə xüsusi otellərdə tibbi nəzarətdə saxlanılır.