Gürcüstanda COVID-19-a yoluxanların sayı 565 mini keçib

Gürcüstanda son sutkada koronavirusa 1 120 yeni yoluxma faktı təsdiqlənib, 61 nəfər vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Bununla da qonşu ölkədə indiyədək COVID-19-a yoluxanların sayı 565 957-yə, ölənlərin sayı isə 7 867-yə çatıb.

Ötən 24 saat ərzində 4 905, ümumilikdə isə 519 673 nəfər müalicə olunaraq sağalıb.

Hazırkı aktiv xəstə sayı 38 391 nəfər təşkl edir.