Gürcüstanda bir gündə 200-dən çox tibb işçisi koronavirusa yoluxub

Gürcüstanda tibbi heyət arasında koronavirusa yoluxma halları artmaqda davam edir.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze bildirib.

Onun sözlərinə görə, son sutkada daha 209 tibb işçisində COVID-19 aşkarlanıb: “Tibbi heyət arasında yoluxma göstəricisi 6%-dən yüksək deyil”.