Gürcüstanda ata və oğul damdan yıxılaraq ölüb

Gürcüstanın Acarıstan bölgəsinin Kobuleti bələdiyyəsində bədbəxt hadisə baş verib.

“Report”un yerli bürosu xəbər verir ki, ata və oğul damdan yıxılaraq ölüblər.

Onların hər ikisi qonşu evin dam örtüyünün vurulmasına kömək edən zaman hündürlükdən yıxılıblar.

Təcili tibbi yardım maşını hadisə yerinə çatsa da, ata və oğul artıq ölmüş vəziyyətdə olublar.

Faktla bağlı Cinayət Məcəlləsinin ehtiyatsızlıq səbəbindən sağlamlığa ağır zərər vurma maddəsi üzrə cinayət işi açılıb.