Gürcüstanın Marneuli rayonunun Kəpənəkçi kəndinin 4 gənc sakini saxlanılıb.
“Report”un yerli bürosu xəbər verir ki, bu barədə ölkənin Daxili İşlər Nazirliyindən bildirilib.
Saxlanılan gənclər öncədən razılaşdırılaraq qrup halında qanunsuz olaraq Keşəli kənd sakini olan 1996-cı il təvəllüdlü şəxsi azadlıqdan məhrum etməkdə ittiham olunurlar.
İstinaqla müəyyən olunub ki, iyulun 15-də bir qrup gənc Keşəli sakinini intiqam məqsədilə saxlayıblar. Həmin şəxs Kəpənəkçi kəndinə avtomobillə zorla gətirilib və kəndin mərkəzində fiziki zorakılığa məruz qalıb.
Saxlanılan şəxslərin günahı sübuta yetirilərsə, onları 7 ildən 10 ilədək həbs cəzası gözləyir.
Qeyd edək ki, yerli mətbuatın məlumatına əsasən, Kəpənəkçi kəndindəki insident namus üstündə baş verib.