Gürcüstan hökumətinin qərarı ilə ölkə vətəndaşlarının Türkiyəyə işləmək məqsədilə getmələrinə icazə verilib.
“Report”un yerli bürosu xəbər verir ki, bu barədə Acarıstan Muxtar Respublikası hökumətinin başçısı Tornike Rijvadze keçirdiyi brifinqdə bildirib.
Onun sözlərinə görə, Türkiyəyə işləmək üçün getmək istəyən bütün vətəndaşlardan işəgötürən tərəfindən veriləcək rəsmi üçaylıq dəvət tələb olunacaq. “İlk növbədə, Acarıstan sakinləri Türkiyəyə işləməyə gedə biləcəklər. Türkiyədən qayıdandan sonra vətəndaşlar məcburi qaydada karantinə alınacaqlar”.