Gürcüstan və Rusiya arasında Cenevrədə keçirilməsi planlaşdırılan danışıqların 51-ci mərhələsi koronavirusa görə təxirə salınıb.
“Report”un yerli bürosu xəbər verir ki, bu barədə Gürcüstanın Xarici İşlər Nazirliyindən (XİN) bildirilib.
Bu barədə qərarı Cenevrə danışıqlarının Avropa İttifaqı, BMT və ATƏT-dən olan həmsədrləri qəbul ediblər.
Danışıqların növbəti mərhələsi 31 mart – 1 aprel tarixində keçirilməli idi.
XİN-dən qeyd olunub ki, beynəlxalq təşkilatların həmsədrləri danışıqların aparılması üçün yeni tarix təyin edəcəklər.
Qeyd edək ki, Gürcüstan və Rusiya arasında Cenevrə danışıqları 2008-ci ilin avqust müharibəsindən sonra başlayıb. İki ölkə arasında yeganə siyasi dialoq formatı olan Cenevrə danışıqlarının son mərhələsi ötən ilin noyabrında baş tutub.