Gürcüstan qondarma erməni soyqırımını tanımadığını nümayiş etdirdi

Gürcüstanın baş naziri İrakli Qaribaşvili Ermənistana dünənki rəsmi səfəri çərçivəsində Yerevanda uydurma erməni soyqırımına həsr olunan Tsitsernakaberd memorial kompleksini ziyarət edib.

“Report”un yerli bürosu xəbər verir ki, Gürcüstanın hökumət Administrasiyasının bununla bağlı rəsmi məlumatında soyqırımı sözü qeyd olunmayıb.

Məlumatda hökumət başçısının 1915-ci ildə həlak olan ermənilərin xatirəsini yad etdiyi bildirilib. Bu, Gürcüstanın qondarma soyqırımı tanımadığını bir daha sübut edib.