Gürcüstan parlamentinin sədri Azərbaycanla dostluq qrupuna rəhbərlik edəcək

“Gürcüstan parlamentinin yeni sədri Kaxa Kuçava Azərbaycanla dostluq qrupunun rəhbəridir”.

“Report”un yerli bürosu xəbər verir ki, bunu Gürcüstanın baş naziri İrakli Qaribaşvili Milli Məclisin sədri Sahibə Qafarova ilə görüşdə deyib.

Onun sözlərinə görə, hər iki ölkənin qanunverici orqanlarındakı dostluq qruplarının əməkdaşlığı üçün çox yaxşı zəmin var.

Baş nazir S.Qafarovanı Gürcüstana səfərə dəvət edib: “Sizi Tbilisidə gözləyirəm”.

Qeyd edək ki, K.Kuçava aprelin 27-də spiker seçilib. O, bundan öncə vitse-spiker postunu tutub və Azərbaycanla dostluq qrupunun da rəhbəri olub.