Gürcüstan parlamentinin “Gürcü Arzusu -Mühafizəkarlar” fraksiyası buraxılıb.
“Report”un yerli bürosu xəbər verir ki, buna səbəb fraksiyanın üzvü olan iki deputat - Ruslan Hacıyev və Muxran Vaxtanqadzenin fraksiyanı tərk etmələridir.
R.Hacıyev “Gürcü Arzusu - Yaşıllar”, M.Vaxtanqadze isə “Gürcü Arzusu” fraksiyasına keçib.
Bundan öncə üç deputat - Zviad Dzdidziquri, Nino Qoquadze və Giqa Bukia “Gürcü Arzusu - Mühafizəkarlar” fraksiyasını tərk ediblər.
Beləliklə, Gürcüstan parlamentində çoxluğu təmsil edən fraksiyaların sayı yeddidən altıya enib.