Gürcüstan parlamenti hökümətdə struktur dəyişikliyi dəstəklədi

Gürcüstan parlamenti Təhsil, Elm, Mədəniyyət və İdman Nazirliyinin iki quruma bölünməsi barədə qanun layihəsini üçüncü oxunuşda qəbul edib.

“Report”un yerli bürosu xəbər verir ki, sənədi 79 deputat dəstəkləyib.

Qanuna əsasən, adıçəkilən dövlət qurumunun bazasında iki – Təhsil və Elm Nazirliyi və Mədəniyyət, İdman və Gənclər Nazirliyi yaradılacaq.

Qeyd edək ki, 2018-ci ilin iyun ayında Gürcüstanın Mədəniyyət və Abidələrin Mühafizəsi Nazirliyi ləğv olunaraq Təhsil və Elm Nazirliyinə birləşdirilib.