Gürcüstan MSK sədrinə mühafizə xidməti təyin edilib

Gürcüstan Mərkəzi Seçki Komissiyasının sədri Giorgi Kalandarişviliyə parlament seçkilərinə 10 gün qalmış dövlət mühafizə xidməti təyin edilib.

“Report” “Sputnik Georgia”ya istinadən xəbər verir ki, məlumatı Gürcüstan Nazirlər Kabinetinin saytı yayıb.

Bildirilib ki, bu il oktyabrın 26-da Gürcüstan parlamentinə keçiriləcək növbəti seçkilərlə əlaqədar müvafiq şərtlər əsasında cari il ərzində zərurət başa çatanadək Mərkəzi Seçki Komissiyasının sədri Giorgi Kalandarişvilinin təhlükəsizliyi dövlət mühafizə xidmətinə həvalə edilib.