Gürcüstan Milli Bankı bu gün valyuta hərracına 20 milyon ABŞ dolları çıxaracaq.
“Report”un Gürcüstan bürosu xəbər verir ki, bu barədə bank məlumat yayıb.
Bugünkü rəsmi məzənnəyə əsasən, 1 ABŞ dolları 2,9753 lari təşkil edir. “Bloomberg” platformasında dolların dəyəri 3 lariyə yaxınlaşıb.
Valyuta dəyişmə məntəqələrində 1 ABŞ dollarının dəyəri 2,95 - 2,97 lari arasında dəyişir.
Oktyabrın 30-na əsasən, Milli Bankın ehtiyatları 3 milyard 386 milyon dollara bərabərdir.