Gürcüstan DİN rəhbərinin istefası tələbi ilə Tbilisidə növbəti aksiya keçirilir

Gürcüstanın daxili işlər naziri Giorgi Qaxarianın istefası tələbi ilə Tbilisidə növbəti aksiya keçirilir.

“Report”un Gürcüstan bürosu xəbər verir ki, parlament binası qarşısında təşkil olunan aksiya sayca 18-cidir.

Bugünkü aksiyada tribuna şair və yazıçılara verilib.

Təşkilatçılar tələbləri yerinə yetirilməyənə qədər dinc aksiyaları davam etdirəcəklərini bildiriblər.