Gürcü spiker: “Regional dialoqun təşviqini davam etdirməyə hazırıq”

“Gürcüstan Cənubi Qafqazda regional dialoqun təşviqini davam etdirməyə hazırdır”.

“Report”un yerli bürosu xəbər verir ki, bunu Gürcüstan parlamentinin sədri Şalva Papuaşvili Ermənistana rəsmi səfəri çərçivəsində bütün ermənilərin katolikosu II Qareginlə görüşdə deyib.

Spiker bölgədə dinc əməkdaşlıq və birgəyaşayışın vacibliyini vurğulayıb.

Görüşdə gürcü və erməni xalqları arasında çoxəsrlik tarixi əlaqələrdən danışılıb, iki ölkə arasında 2022-2024-cü illər üçün mədəni əməkdaşlıq proqramının imzalanması barədə müzakirələr aparılıb.