Giorgi Qaxariya: “Cənubi Qafqazda mehriban qonşuluq Gürcüstan üçün prioritetdir”

“Gürcüstan bölgədə baş verən çətin proseslər dövründə bitərəfliyini saxlaya bildi”.

“Report”un yerli bürosu xəbər verir ki, bunu Gürcüstanın Baş naziri vəzifəsini icra edən Giorgi Qaxariya ölkənin xaricdəki diplomatik missiyalarının onlayn formatda keçirilən illik toplantısında deyib.

Onun sözlərinə görə, Cənubi Qafqazda mehriban qonşuluq münasibətləri Gürcüstanın dövlət təhlükəsizliyi və iqtisadi inkişafı üçün bir nömrəli prioritetdir: “Bu cür münasibətlər həmçinin həyati əhəmiyyət kəsb edir”.