Gəncə Dövlət Dram Teatrı A.S. Qriboyedov adına Tbilisi Dövlət Akademik Rus Dram Teatrında Cəlil Məmmədquluzadənin “Dəli yığıncağı” tragikomediyasının əsasında hazırlanan eyni adlı tamaşa nümayiş etdirib.
“Report”un yerli bürosu xəbər verir ki, səhnə əsəri böyük ədibin 150 illik yubileyi ilə əlaqədar Gürcüstanda keçirilən tədbirlər çərçivəsində Azərbaycanın Mədəniyyət Nazirliyi və ölkənin Gürcüstandakı səfirliyinin təşkilatı dəstəyi ilə təqdim olunub.
Bir hissəli “Dəli yığıncağı” tamaşasına Gəncə Dövlət Dram Teatrının baş rejissoru İradə Gözəlova quruluş verib, quruluşçu rəssamı Elnur Axundov, musiqi tərtibatı Tünzalə Mustafayevaya məxsusdur.
Tamaşada əsas rolları xalq artisti Pərvanə Qurbanova, əməkdar artistlər İlham Hüseynov, Elxan Abbasov, Ramiz Vəliyev, aktyorlar Salam İsmayılov, Sevda Orucova, Vasif İsmayılov və digərləri ifa ediblər.
Tamaşçılar səhnə əsərini böyük maraq və alqışlarla qarşılayıblar. İzləyicilər arasında Azərbaycanın Gürcüstandakı səfiri Dursun Həsənov, Azərbaycanın