ETTELAAT-ın zabiti öldürülüb

İran İnformasiya, Kəşfiyyat və Təhlükəsizlik Nazirliyinin (ETTELAAT) Sistan-Bəlucistan əyaləti üzrə Baş Təhlükəsizlik və Kəşfiyyat İdarəsinin zabiti Əhməd Salehi noyabrın 30-da əməliyyat zamanı öldürülüb.

“Report” “Azad İran”a istinadən xəbər verir ki, bu barədə İranın Sistan-Bəluçistan əyalətinin Baş Təhlükəsizlik və Kəşfiyyat İdarəsi məlumat yayıb.

Bildirilib ki, hakimiyyətə yaxın KİV-lər onu Tehran Universitetinin, Kərəc Kənd Təsərrüfatı İnstitutunun Tələbə Bəsic Təşkilatının keçmiş rəhbəri kimi təqdim edib.

Ə.Salehinin dəfn mərasimi cümə axşamı Zahidan şəhərində keçiriləcək və sonra cənazəsi Mazandaran əyalətindəki doğulduğu Sari şəhərinə aparılacaq.