Ermənistanın hakim partiyası sülh müqaviləsinin bu ilin sonuna qədər imzalanacağını gözləyir

Ermənistan parlamentinin xarici əlaqələr komitəsinin sədri, hakim "Mülki Müqavilə" partiyasından olan deputat Sarqis Xandanyan bu ilin sonuna qədər Azərbaycanla sülh müqaviləsinin imzalana biləcəyini söyləyib.

“Report” “Aysor”a istinadən xəbər verir ki, bu barədə o brifinqdə çıxışında deyib.

“Ermənistanın razılaşdığı bütün fundamental məsələlər bir daha təsdiqlənsə və sülh sazişində öz yerini taparsa, sülh müqaviləsinin imzalanması artıq texnika məsələ olacaq”, - o deyib.

S. Xandanyanın sözlərinə görə, sazişin ilin sonunda imzalanacağı istisna edilmir: “Ancaq vəziyyətin praktikada necə olacağını gözləmək lazımdır”.