Ermənistanın hakim partiyası: "Apardığımız siyasət diplomatik təcridlə nəticələndi"

"Ermənistanın apardığı siyasət ölkəmizin diplomatik cəhətdən təcrid olunması ilə nəticələndi".

“Report” “News.am”a istinadən xəbər verir ki, bunu hakim Mülki Müqavilə Partiyasından olan deputat Eduard Ağacanyan Milli Məclisin növbədənkənar iclasında deyib.

O bildirib ki, 30 illik status-kvonun saxlanması siyasəti indiki vəziyyətə gətirib çıxarıb.

Millət vəkili əmindir ki, müxalifətin mövqeyi təcrid siyasətindən xilas olmağa kömək etməyəcək.