Ermənistanda yol qəzalarının sayı iki dəfə artıb

Bakı. 7 aprel. REPORT.AZ/ Ötən ilin müvafiq dövrü ilə müqayisədə Ermənistanda yol qəzalarının sayı iki dəfə artıb.

"Report" "News.am"a istinadən xəbər verir ki, bu barədə ölkənin Milli Statistika Xidməti məlumat yayıb.

Məlumatda bildirilir ki, ilin ilk 2 ayı ərzində ölkədə 184 yol-nəqliyyat hadisəsi baş verib. Onlardan 43-ü ölümlə nəticələnib. Ötən ilin analoji dövründə bu rəqəm 84 hadisə olub. Onlardan 19-u ölümlə nəticələnib.

Ölkənin yol polisi profilaktika məqsədilə fevralın 8-dən mobil spidometrlərin tətbiqinə başlayıb.