Ermənistanda külli miqdarda rüşvət almaqda şübhəli bilinən vergi müfəttişi saxlanılıb

Ermənistan Dövlət Gəlirlər Komitəsinin (DGK) məmuru xüsusilə böyük məbləğdə rüşvət almaqda şübhəli bilinərək cinayət işi çərçivəsində saxlanılıb.

“Report” xəbər verir ki, bu barədə “Sputnik-Armeniya”ya Korrupsiyaya Qarşı Mübarizə Komitəsindən məlumat verilib.

Qurumun məlumatına görə, iş üzrə iki vətəndaş saxlanılıb. Onlardan biri DGK-nın vergi yoxlamaları üzrə müfəttişidir. İddia olunur ki, o, yoxlama zamanı aşkar edilmiş pozuntunu gizlətmək üçün 4 milyon dram (təxminən 10 min dollar) məbləğində rüşvət alıb.