Ermənistanda Hərbi İstintaq Baş İdarəsinə yeni rəis müavini təyin olunub

Ermənistan İstintaq Komitəsinin Hərbi İstintaq Baş İdarəsinə yeni rəis müavini təyin olunub.

“Report” “Novosti Armenia”ya istinadən xəbər verir ki, Ermənistan İstintaq Komitəsinin sədri Arqişit Kərəmyanın əmri ilə Rəfael Vardanyan bu vəzifəyə təyin edilib.

Bildirilib ki, Rəfael Vardanyan 1987-ci il oktyabrın 6-da İrəvandan anadan olub. 2008-ci ildə İrəvan Dövlət Universitetinin Hüquq fakültəsini bitirib. 2008-2011-ci illərdə Ermənistan Müdafiə Nazirliyinin İstintaq əməliyyat bölməsində müstəntiq işləyib.

O, 2021-ci ildən Ermənistan İstintaq Komitəsinin Baş Hərbi İstintaq İdarəsinin xüsusilə mühüm işlərin araşdırılması şöbəsinin rəisi olub.