Ermənistanın İsraildəki keçmiş səfiri və oğlu həbs edilib - YENİLƏNİB

İrəvan məhkəməsi sabiq diplomat, Ermənistanın İsraildəki keçmiş səfiri Armen Smbatyanı həbs edib.

“Report” xəbər verir ki, bu barədə Ermənistanın Baş Prokurorluğu məlumat yayıb.

Paytaxtın birinci instansiya məhkəməsi bazar günü keçirdiyi iclasda sabiq diplomatın iki ay müddətinə həbs qətimkan tədbiri seçib.

Qeyd edək ki, bir neçə saat əvvəl diplomatın oğlu, Ermənistan Dövlət Simfonik Orkestrinin baş dirijoru Sergey Smbatyan da həbs edilib.

Ata və oğlu bir gün əvvəl dələduzluqda şübhəli bilinərək saxlanılıb, nəticədə dövlətə 966 milyon dram (2,5 milyon dollar) məbləğində maddi ziyan dəyib.

Daha əvvəl prokurorluq bildirib ki, cinayət işində iştirak edən digər şəxs də (A.P) həbs edilib. Onun həbsi üçün məhkəmədə vəsatət qaldırılıb.

Ermənistanın paytaxtı İrəvanın birinci instansiya məhkəməsi ölkənin İsraildəki keçmiş səfiri Armen Smbatyanın oğlu, dirijor Sergey Smbatyanı iki ay müddətinə həbs edib.

“Report” xəbər verir ki, bu barədə Ermənistanın Baş Prokurorluğu məlumat yayıb.

Sergey Smbatyan və atası, Ermənistanın İsraildəki keçmiş səfiri Armen Smbatyan bir gün əvvəl dələduzluqda şübhəli bilinərək saxlanılıb. Onlar dövlətə 966 milyon dram (2,5 milyon ABŞ dolları) məbləğində maddi ziyan vurmaqda təqsirləndirirlirlər.

Prokurorluq əlavə edib ki, cinayət işində iştirak edən digər şəxs də (A.P) həbs edilib. Onun həbsi üçün məhkəmədə vəsatət qaldırılıb.

Armen Smbatyan ilə bağlı məhkəmə qərarının yaxın saatlarda çıxarılacağı gözlənilir.

Qeyd edək ki, Ermənistanın İsraildəki keçmiş səfiri və oğlu, Dövlət Simfonik Orkestrinin baş dirijoru Sergey Smbatyan dünən saxlanılıb.