Ermənistan və Rusiya ticari-iqtisadi əlaqələrin genişləndirilməsini müzakirə edəcək

Ermənistanın iqtisadiyyat naziri Gevorq Papoyan ticari-iqtisadi əlaqələrin genişləndirilməsi imkanlarının müzakirəsi üçün Moskvaya işgüzar səfər edəcək.

“Report” Ermənistan KİV-ə istinadən xəbər verir ki, o, bu barədə Ermənistan Milli Assambleyasında parlamentin regional və Avrasiya inteqrasiyası üzrə daimi komitəsinin iclasında bildirib.

“Yaxın günlərdə Rusiyaya səfər etmək və həmkarlarımla görüşmək niyyətindəyəm. Qarşılıqlı maraq kəsb edən geniş spektrli məsələlərin müzakirəsi nəzərdə tutulub. Bu gündəm ticari-iqtisadi əlaqələrimizin daha da genişlənməsini nəzərdə tutur”, - o deyib.