Etirazçılar Ermənistan parlamentinin qarşısına zibillə dolu çantalar atıblar

Ermənistanın baş naziri Nikol Paşinyanın istefası tələbi ilə aksiya keçirənlər parlamentin binası qarşısına zibillə dolu çantalar atıblar.

“Report” xəbər verir ki, məlumatı “Novosti Armeniya” yayıb.

Çiyin çantalarının üzərinə deputatların fotosu yapışdırılıb.

Ermənistan parlamentinin binası qarşısında “Qurtuluş hərəkatı”nın üzvləri baş nazir Nikol Paşinyanın istefası tələbi ilə etiraz aksiyası keçirir.

“Report” xəbər verir ki, “Novosti Armeniya” hadisə yerindən canlı yayım edir.

Bir müddət öncə hərəkat hakim “Mənim addımım” parlament fraksiyasının “antimilli və antidövlət” olduğuna dair bildiriş yayıb.